(Puwede na sa airport) RENEWAL NG RE-ENTRY PERMITS

airport

PAPAYAGAN na ng Bureau of Immigration (BI) ang pagre-renew ng re-entry permits pagdating sa bansa ng mga dayuhan.

Ayon kay BI Commissioner Jaime Morente, kailangan lamang na ipakita ng mga dayuhan sa mga immigration officer ang kanilang resibo bilang katunayan na sila’y nagbayad para sa re-entry permit.

Dagdag pa ni Morente, ang naturang hakbang ay para bigyang-daan ang mas mabilis na pagpasok ng mga dayuhan na may existing valid visa na kamakailan ay hindi pinayagang makapasok sa bansa dahil sa umiiral na travel restriction.

Sa naturang polisiya, kabilang sa mga tinukoy na dayuhan ay ang mga permanent resident sa Filipinas na may working at student visa. DWIZ 882

Leave a Reply

Your email address will not be published. Required fields are marked *