BULACAN- PATAY ang isang lalaki na drug suspek makaraang makipagbarilan sa mga pulis sa bayan ng Marilao habang arestado rin ng 22 iba pa na kapwa sangkot sa ibat-ibang kaso.
Sa report na tinanggap ni Acting Provincial Director Col. Charlie Cabradilla, kinilala ang napatay na si Fredie Lontayao ng Sta. Rosa 2, Marilao, Bulacan.
Base sa paunang imbestigasyon, una nang nakatanggap ng report ang mga pulis kaugnay sa pananakot at pananakit ng suspek sa kanyang anak.
Nabatid na sinubukan ng mga pulis na kausapin ito subalit agad na lamang sinugod ng patalim ang mga awtoridad dahilan para paputukan ang suspek.
Samantala, nadakip din ng mga tauhan ng Drug Enforcement Unit (SDEU) ng Bocaue, Meycauayan, Norzagaray, Obando at Pandi ang 12 katao na kapwa sangkot sa illegal na droga kung saan nakumpiska sa kanila ang 34 na plastic sachets ng shabu.
Habang arestado rin ang 11 iba pa na sangkot sa Tupad, droga at at iba pang mga sugal kabilang ang mga most wanted person. THONY ARCENAL