1-M RESIDENTE NABAKUNAHAN NA

NASA 53 porsiyento na ng populasyon ng Taguig City ang fully vaccinated na.

Ito ay napag-alaman sa report ng TRACE Taguig noong Setyembre 11 na umabot na sa 462,730 indibiduwal ang naturukan ng dalawang dose ng bakuna at mga fully vaccinated na o katumbas ng 53 porsiyento ng populasyon ng lungsod na 872,980, base sa 2021 population projection ng Department of Health (DOH).

Bukod sa mga fully vaccinated na mga indbidwal ay nakapagtala na rin ang lungsod ng 639,500 indibidwal na nabakunahan naman ng unang dose o 73 porsiyento ng kabuuang populasyon ng Taguig.
Sa kabuuang naipagkaloob na bakuna sa mga residente ng lungsod ay mayroon nang 1,086,731 vaccine doses ang nagamit sa mga vaccination sites.

Base sa huling datos ng Taguig (Set. 10) ay nakapagtala ang lungsod ng 39,314 kumpirmadong kaso ng COVID-19 kung saan ang 37,653 ay mga nakarekober na habang 1,353 aktibong kaso mayroon pang natitira ang lungsod kabilang na dito ang 278 bagong kaso ng virus at 308 ang mga namatay.
Sa 1,176 pasyenteng may aktibong kaso na nabakunahan na ay tatlo sa mga ito ang severe na kaso (0.25 porsiyento); 13 ang mga moderate (1.1%); 591 ang nakararamdam ng mild na sintomas (50.25%) habang 570 pasyente naman o 48.4 % ay mga asymptomatic.

Ayon kay Dr. Guido David ng OCTA Research, base report ng DOH noong Setyembre 11 ay nakapatala ang lungsod ng 642 bagong kaso ng virus na nasa ikalimang puwesto sa may pinakamataas na bilang ng kaso ng COVID-19 sa buong bansa.

Sa 642 bagong kaso na naitala ng Taguig noong Setyembre 11 ay pumapangalawa naman ito na may pinakamataas na bilang sa kabuuang 9,061 bagong kaso sa National Capital Region (NCR) na pinangunahan ng Caloocan na mayroong 869 kaso; panagtlo ang Paranaque with na may 547; pang-apat ang Makati na may 534; nasa ika-5 pwesto ang Valenzuela na may 439; pang-anim ang Muntinlupa na may 384 kaso at Las Pinas na mayroong 343 bagong kaso ng COVID-19. MARIVIC FERNANDEZ