CHANGI – ISA pang Filipino domestic helper ang nahawahan ng novel coronavirus disease (COVID-19) sa Singapore, ayon sa kanilang Ministry of Health (MOH).
Sa huling ulat ng MOH, isang 41-anyos na Filipina domestic worker ang kabilang sa apat na bagong kaso ng COVID-19 sa kanilang bansa.
Ang DH ay tauhan ng 61-anyos na Singaporean citizen na hindi naman matukoy kung travel history ito sa China, Daegu City, o sa Cheongdo County.
Ang mag-amo ay nasa isolation room sa Ng Teng Fong General Hospital, ayon sa ulat.
Magugunitang noong Pebrero 23 ay naitala ang unang Pinoy na nagpositibo sa nasabing sakit.
Ang unang Filipino ay na- quarantine sa National Centre for Infectious Diseases at pinalabas na noong Pebrero 28 habang mayroong tatlong iba na na-discharge sa ospital kahapon, ayon sa MOH.
Batay sa record ng MOH, may kabuuang 72 cases sa Singapore ang naka-rekober at na-discharge sa iba’t ibang ospital.
Ang natitirang 30 iba pa na nagpositibo sa COVID 19 ay umaayos naman ang lagay, subalit ang pitong iba pa ay kritikal at nasa intensive care units. EUNICE C.
Related posts:
OFWs SA EGYPT TAKOT NA RIN SA COVID-19
PINOY SA IRAN LIGTAS SA COVID-19
1 PANG PINAY SA HK NAGPOSITIBO SA NOVEL CORONAVIRUS
FILIPINO TUTOR SA SOUTH KOREA APEKTADO NA RIN NG COVID-19
RETURNING OFWs HINAHARANG SA SAUDI
(Maliban sa 3 lugar na peligroso sa COVID-19) S.KOREA BUKAS NA SA RETURNING OFWs
(Dahil sa COVID-19) JOBLESS NA OFWs POSIBLENG SUMAM-PA SA 100K
OFWs NA SINIBAK DAHIL NAGPUMILIT MAG-DAY OFF TUTULUNGAN
Comments are closed.