DAVAO OCCIDENTAL – DAHILAN sa walang tigil na buhos ng malakas na ulan dulot ng intertropical convergence zone (ITCZ) sa lalawigan, nagresulta ito sa pagkamatay ng isa katao, pagkawala ng dalawa at pagkasugat ng 20 iba pa, ayon sa Office of the Civil Defense sa Davao Region (OCD-11).
Ang ITCZ ay nagdulot ng pagbaha at pagguho ng lupa noong Disyembre 26, na nakaapekto sa 6,476 pamilya at 28,686 indibidwal sa ilang munisipalidad, lalo na sa Davao Occidental, Davao del Sur, at Davao Oriental.
Sa Davao Occidental, 321 bahay ang bahagyang nasira, at 238 ang nawasak, habang ang pinsala sa imprastraktura ay umabot sa PHP215 milyon.
Isinailalim na sa state of calamity ang bayan ng Malita sa Davao Occidental.
Ang mga pagsisikap sa pagtulong ay patuloy, na may higit sa 1,100 hygiene kit na ibinigay sa mga apektadong pamilya.
EVELYN GARCIA
