1 UTAS, 4 SUGATAN SA KARAMBOLA NG 3 MOTORSIKLO

NEGROS ORIENTAL – PATAY ang isa katao habang apat ang sugatan sa salpukan ng tatlong motorsiklo sa Brgy. Pantao II, Mabinay.

Sa ulat na nakarating sa PILIPINO Mirror, kinilala ang nasawi na si Jea-R Catacutan Duran, 30, residente sa nasabing lugar habang ang mga nasugatan ay sina Claro Guardario, 40-anyos; pasaherong si Arnel Olpos, 44-anyos; Reymar Rodriguez, 29-anyos at pasahero nitong si Jonely Rodriguez na mula sa Brgy. Pantao 1 sa nasabing bayan.

Base sa imbestigasyon ng Mabinay Police, nagmaniobra ang isa sa mga rider at lumiko sa kabilang lane na nagresulta sa pagbangga ng dalawang motorsiklo na nagmula sa kabilang direksyon.

Naisugod pa sa ospital ang apat subalit nasawi rin si Duran dahil sa tindi ng sugat na tinamo nito.
EUNICE CELARIO