NEGROS OCCIDENTAL – DUROG ang mga murang buto ng isang 10 taong gulang na lalaki nang masalpok ito ng trak sa Barangay Cabahug sa lungsod ng Cadiz.
Nakaligtas sa tiyak na kamatayan ang kapatid ng biktima na kasama niya ng maganap ang sakuna.
Lumilitaw sa pagsisiyasat ng Cadiz City Police Office na biglang tumawid sa daan ang biktima kasama ang kanyang kapatid, na paslit din nang mabundol siya ng paparating na truck.
Sinasabing pupunta sana ang magkapatid sa bahay ng kanilang tiyahin nang maganap ang sakuna.
Tinangka pa umanong iwasan ng nabiglang driver ang biktima, subalit dahil sa bilis ng takbo nito ay nahagip pa rin ang batang biktima.
Ayon sa mga imbestigador, sinubukan pa umanong tumakas ng drayber malapit sa isang tubuhan pero agad din siyang nahuli ng mga kapitbahay at kamag-anak ng biktima. VERLIN RUIZ
Comments are closed.