LAGUNA – MAGKAKASUNOD na naaresto ng Biñan City PNP Drug Enforcement Unit (DEU) ang 10 drug personalities makaraang magsagawa ang mga ito ng buy bust operations sa Sitio Lawa, Brgy. Canlalay.
Batay sa ulat ni Supt. Ronan Claravall, hepe ng pulisya, kay Laguna PNP Provincial Director, Sr. Supt. Kirby John Kraft, nakilala ang mga naaresto na sina Roldan Limosenero Dela Cruz, Julius Villanueva Sebastian, Renato Mernilo Penohermoso, Mark Ryan Bermido Luzon, Mark Anthony Calde-ron Palma, alyas Undoy, Jenifer Flores Cortina, Arnel Perico Malicse, Genelo Fernandez Salazar at isang Leo Laciste Calderon.
Isinagawa ni Claravall at kanyang mga tauhan ang anti-illegal drugs operaton sa lugar bunsod na rin ng nakalap na impormasyon kaugnay ng benta-han at paggamit ng droga ng mga suspek habang isa sa mga ito ang nagpanggap na buyer.
Makaraan ang naganap na transaksiyon sa pagitan ng suspek na si Dela Cruz at pulisya, hindi inaasahang maaktuhan pa ng mga ito na nagsasagawa ng pot session ang iba pa sa loob ng bahay.
Nakumpiska sa kanilang pag-iingat ang pitong plastic na naglalaman ng shabu na tinatayang aabot sa halagang P7,000 kabilang ang maraming drug paraphernalia.
Kasalukuyang nakapiit ang mga suspek sa Biñan City PNP lock up cell kung saan pawang nahaharap ang mga ito sa paglabag sa kasong RA-9165. DICK GARAY
Comments are closed.