RIZAL- ARESTADO ang 10 katao nang makumpiskahan ng P2 milyon halaga ng droga mula sa magkakasanib na puwersa ng PNP-DEG at Cainta PNP kahapon ng umaga sa Cainta.
Kinilala ang mga nadakip na sina Marco Angelo Zarate, 46-anyos, Twixx Leyson, 30 call center agent, Angelo Reyes, Dennis Reyes, Christian Evangelista, Victor Dax Jose, 49 anyos, Roderick Rendal, Janeth Salasibar, 41-anyos, Marry Lou Cruz at Allan Garol, 51-anyos pawang mga residente ng Rizal.
Nabatid na dakong alas-6:00 ng umaga nang madakip ang mga suspek sa buy-bust operstion na inilatag ng PNP-DEG, CAINTA PNP at Special Operation Unit ng Calabarzon4A sa Ortigas Extention, Cainta.
Nakumpiska sa mga ito ang 300 grams ng shabu na nagkakahalaga ng P2 milyon.
Bukod sa droga nakuha rin sa mga ito ang gamit na sasakyan na Honda City Car, 5 cellphone at buy-bust money.
Nakapiit na sa detention cell ng pulisya ang mga suspek at sasampahan ng kasong paglabag sa RA9165 Comprehensive Dangerous Drug Act of 2002. ELMA MORALES