NORTH COTABATO – MAHIGIT sa 10 katao ang nasawi makaraang magsalpukan ang pampasaherong van at dump truck hanggang magliyab sa Barangay Luhong, Antipas.
Sa sketchy report ng Antipas Municipal Police, lima sa mga pasahero ng van ang nagtamo ng sunog sa katawan habang matinding pinsala dahil sa banggaan at sunog ang inabot ng iba pang biktima.
Naganap ang insidente dakong alas-12 ng tanghali, kahapon kung saan patungo sa bayan ng Antipas ang dump truck nang mabangga nito ang kasalubong na van.
Dahil sa lakas ng banggaan, tumaob at nagliyab ang van na naging sanhi ng agad na pagkamatay ng mga pasahero nito.
Patuloy ang ginagawang imbestigasyon ng mga awtoridad sa insidente. EUNICE CELARIO
