GENERAL SANTOS CITY – SAMPUNG Filipino fishermen na nahuling ilegal na nangingisda sa Indonesian waters ang pinauwi makaraang isagawa roon ang second leg ng Philippine-Indonesian Coordinated patrol ng pinagsanib na AFP- Eastern Mindanao Command at Indonesian soldiers.
Karamihan ng mga pinauwing Pinoy ay mula sa General Santos City.
Nabatid na walang kaukulang dokumento ang mga mangingisda nang pumasok sa teritoryo ng Indonesia.
Pinayagang makauwi sa Filipinas ang sampung Pinoy sa tulong ng Department of Foreign Affairs at ng Philippine Liaison sa Manado, Indonesia.
Sinalubong naman ni Lieutenant General Felimon Santos Jr., commander ng AFP- Eastern Mindanao Command, at Foreign Affairs Assistant Secretary for Mindanao Uriel Norman Garibay ang mga pinauwing Pinoy. Nagkaroon naman ng arrival ceremony kasunod ng pagdaong ng BRP Emilio Jacinto sa katubigan ng Indonesia.
Ipapaubaya ng militar ang sampung Pinoy sa Department of Social Welfare and Development para sa mga ayudang ibibigay sa kanila.
Ang ikalawang yugto ng Philippine-Indonesian Coordinated Patrol ay isinagawa noong Hulyo 17 hanggang 23 para sa pagpapatuloy ng magandang relasyon ng dalawang bansa na naglalayong matiyak ang seguridad sa mga boarder nito at maiwasan ang maritime and sea crimes gaya ng smuggling at piracy. PILIPINO MIRROR REPORTORIAL TEAM
Related posts:
OFWs TODO INGAT VS SANDSTORM
OFW WAGI SA DANCE COMPETITION
OFWs MGA PINOY SA ISRAEL PINAG-IINGAT VS KILOS PROTESTA
SKILLED AT PROFESSIONAL OFWs SA KUWAIT ‘DI NA OBLIGADONG UMUWI
LABI NG OFW NA NATAGPUAN SA SEPTIC TANK IUUWI NA
36-ANYOS NA OFW PATAY SA SLOVAKIA SA PAGTATANGGOL SA 2 BABAE
HUSTISYA SIGAW NG PAMILYA NG OFW NA NAHULOG SA GUSALI SA LEBANON
LABI NG NAPATAY NA OFW SA SLOVAKIA NAIUWI NA
Comments are closed.