10 SUGAROL SUMABIT SA DROGA

CALOOCAN CITY – SAMPUNG hinihina­lang drug personalities ang naaresto ng mga pulis sa magkahiwalay na lugar sa lungsod na ito.

Ayon kay Caloocan Police Community Precinct (PCP) 2 Commander PCI Merben Bryan Lago, alas-11:10 ng gabi nang respondehan ng kanyang mga tauhan ang tawag sa telephono mula sa isang concerned citizen hinggil sa isang grupo na naglalaro ng ‘cara y cruz’ sa kahabaan ng Libis Talisay St. Dagat-Dagatan, Brgy. 12.

Pagdating ng mga pulis sa naturang lugar, nagpulasan ang mga nagsusugal subalit, nagawa rin masakote ang pito sa mga ito kasama ang isang menor.

Nakuha sa lugar ang P100 bet money at 3 peso coin na gamit bilang ‘Pangara’ habang nakumpiska naman ang tatlong plastic sachet ng hinihinalang shabu kina Iñigo, Modesto at Leybag.

Nauna rito, nadakip din ng mga tauhan ni PCP-7 head PSI Jeraldson Rivera ang tatlong iba pa. EVE GARCIA