ISANG libong bakuna kontra coronavirus disease 2019 (COVID-19) ang ipinadala ng pamahalaan sa Benguet nitong Biyernes para maprotektahan ang frontliners sa kumakalat na UK variant ng COVID.
Pinasalamatan ni ACT-CIS at Benguet Caretaker Cong. Eric Yap si Vaccine Czar Sec. Carlito Galvez dahil pinakinggan ng kalihim ang kanyang request na bakuna.
“Maraming salamat Sec. Galvez at isa ang Benguet sa na-prioritize na mapadalhan ng 1,000 doses ng Sinovac,”ani Yap.
“Timing ang pagdating ng Sinovac dahil mahigpit naming minomonitor sa Benguet itong UK variant dahil may mga tinamaan na sa aming mga kababayan doon”, dagdag pa nito.
Anang mambabatas, ibibigay ang 1,000 doses sa mga medical frontliners sa Benguet General Hospital at sa mga district hospital sa lalawigan.
“Kailangan po talagang unahin ang ating medical frontliners kasi kung sila ang magkakasakit, sino pa ang gagamot o mag-aalaga sa mga tao na tatamaan ng COVID?,” hirit pa ni Yap. PMRT
Related posts:
1,895 PCG PERSONNEL IKAKALAT SA UNDAS
1,715 LGUs DAPAT TUMAAS ANG MARKA SA PERFORMANCE AUDIT
1,250 PUNO ITINANIM SA LA MESA NATURE RESERVE
1,793 PULIS MAAGANG NAGRETIRO DAHIL SA BAGONG PENSION SYSTEM
1,031 APLIKANTE PASADO SA PNPA CADET ADMISSION TEST
(1,063 huli sa gun ban) 51 ELECTION RELATED INCIDENTS NAITALA SA PNP
1,615 PASAWAY TIKLO SA GUN BAN
1,922 PASAWAY TIKLO SA GUN BAN
Comments are closed.