10,019 BAGONG COVID-19 CASES; 7,425 GUMALING

INIULAT  ng Department of Health (DOH) na nakapagtala pa sila ng 10,019 bagong kaso ng COVID-19 sa bansa araw ng Huwebes.

Batay sa case bulletin #572 ng DOH, nabatid na dahil sa mga bagong kaso ng sakit, umaabot na ngayon sa 2,632,881 ang total COVID-19 cases sa Pilipinas hanggang Oktubre 7, 2021.

Sa naturang bilang, 4.4% pa o 115,328 ang nananatili pang aktibong kaso o nagpapagaling pa mula sa karamdaman, kabilang dito ang 77.1% ang may mild symptoms, 13.6% ang asymptomatic, 5.33% ang moderate, 2.7% ang severe at 1.2% ang kritikal.

Nakapagtala pa ang DOH ng 7,425 pasyente na gumaling na rin mula sa karamdaman kaya’t umakyat na sa 2,478,616 ang total COVID-19 recoveries ng bansa o 94.1% ng total cases.

Nakapagtala rin ang DOH na 109 pasyenteng namatay dahil sa kumplikasyon ng COVID-19.

Sa kabuuan, mayroon nang 38,937 COVID-19 death toll ang Pilipinas o 1.48% ng total cases.

Samantala, mayroon pa ring 55 duplicates ang inalis ng DOH sa total case count, at sa naturang bilang, 35 ang recoveries.

Mayroong 56 kaso ang unang na-tagged bilang recoveries ngunit malaunan ay natukoy na namatay na pala sa pinal na balidasyon.

“All labs were operational on October 5, 2021 while 4 labs were not able to submit their data to the COVID-19 Document Repository System (CDRS). Based on data in the last 14 days, the 4 non-reporting labs contribute, on average, 0.3% of samples tested and 0.4% of positive individuals,” anang DOH.

“The DOH will be reporting additional deaths tomorrow in a separate advisory, to reflect numbers not included in the previous case bulletins due technical issues encountered with COVIDKaya,” anito pa. Ana Rosario Hernandez

Related posts:

10,516 GUMALING SA COVID-19 10,809 DAGDAG NA GUMALING SA COVID-19 10,179 PASYENTE BAGONG GUMALING SA COVID 10,623 BAGONG KASO NG COVID-19 10,858 BAGONG GUMALING SA COVID