100K OFWs NATULUNGAN NG GOBYERNO PARA MAKAUWI SA KANI-KANILANG PROBINSIYA

PARAÑAQUE CITY -NASA 100,000 Overseas Filipino Workers (OFWs) ang natulungan ng pamahalaan para mapauwi sa kani-kanilang probinsiya

Ayon sa Overseas Workers Welfare Administration (OWWA), sa kabuuan, 96,792 OFWs ang na- repatriate ng pamahalaan dahil na rin sa  epekto ng coronavirus pandemic.

Gayunman  ang naunang batch na 1,691 home-bound OFWs ay negatibo naman sa COVID-19.

Magugunita, noong buwan ng Mayo, umaabot sa 34,000 OFWs ang tinulungan ng pamahalaan para makauwi sa kani-kanilang probinsiya habang mahigit sa 61,000  ay halos araw araw napapauwi sa mga nakalipas na  buwan.

Ang tracking systen o ang tinatawag na OFW Assistqnce Information Sytem (OASIS) ay  itinalaga  sa command center para sa maayos na repatriation sa mga nagbabalik at umaalis sa bansa na OFWs

Bukod sa transportation assistance, ang OWWA, sa pakikipagtulungan ng Philippine  Recruitment Agencies (PRAs), at Licensed Manning Agencies (LMAs), ay nagkaloob ng hygiene kits at  accommodation sa mga umuuwing OFWs

Samantala,umaabot sa 572,442 ang bilang ng mga OFWs na apektado ng pandemic at nangangailangan ng tulong.

Ayon sa OWWA, 240,583 request for assistqnce sa ilalim ng inaprubahang AKAP program na kung saan 203,585  sa mga ito  ang nakatanggap ng emergency aid.

Ang AKAP ay one-time cash assistance  na $200 o katumbas ng P10,000  na ibinibigay  sa mga repatriated OFWs na apektado pandemya. LIZA SORIANO