NASA 106 barangay na sa lungsod ng Caloocan ang naitalang COVID19-free base sa huling datos na inilabas ng City Health Department.
Sa 188 kabuuang bilang ng mga barangay sa lungsod, 82 mga barangay na lamang ang kasalukuyang may aktibong mga kaso.
Samantala, tinatayang 10,990 naman ang kabuuang bilang ng recoveries o mga tuluyan nang gumaling mula sa sakit.
Nagpapasalamat si Mayor Oca Malapitan sa bawat mamamayan sa lungsod sa patuloy na pang-unawa at pakikiisa sa mga hakbang ng Pamahalaang Lungsod upang labanan ang COVID-19.
Sa kabila nito, patuloy na hinihikayat ng alkalde ang mamamayan na huwag maging ningas-kugon at patuloy na sundin ang mga health and safety protocol.
“Hindi pa po tapos ang ating laban sa COVID-19. Patuloy po tayong nagpapaalala na mag-ingat ang lahat upang tuluyan nang mawala ang virus na ito,” giit nito. EVELYN GARCIA
Related posts:
QUARANTINE AT TREATMENT FACILITY SA MARIKINA BUKAS NA
KASO NG COVID-19 SA LAS PIÑAS 91 NA LANG
BUMABA NA SA 33 COVID-19 CASES SA SAN JUAN CITY
COVID-19 VACCINATION SA 2021 PA SISIMULAN
90.2% NA ANG GUMALING SA COVID-19
141 BRGYS SA PASAY COVID-19 FREE NA
COVID TESTING CENTER SA MAYNILA BUKAS NA
BAGONG QUARANTINE STATUS IAANUNSIYO
Comments are closed.