10,858 BAGONG GUMALING SA COVID

MAY 10,035 bagong kaso pa ng COVID-19 na naitala ang Department of Health (DOH) sa bansa araw ng Martes.

Base sa case bulletin no. 521, nabatid na dahil sa naturang mga bagong kaso ng sakit, umaabot na ngayon sa 1,765,675 ang kabuuang bilang ng COVID-19 sa bansa.

Sa naturang total COVID-19 cases, 6.0% pa o 105,787 ang aktibong kaso o nagpapagaling pa sa karamdaman, kabilang dito ang 96.1% ang mild cases, 1.3% ang severe, 0.9% ang asymptomatic, 0.9% ang oderate at 0.7% ang critical.

Mayroon namang 10,858 na bagong gumaling sa sakit, sanhi upang umabot na ngayon sa 1,629,426 ang total COVID-19 recoveries sa bansa o 92.3% ng total cases.

Samantala, mayroon pang 96 pasyente ang sinawimpalad na bawian ng buhay dahil sa komplikasyong dulot ng COVID-19 kaya’t umaabot na ngayon sa 30,462 ang total COVID-19 deaths sa bansa o 1.73% ng total cases.

Ayon sa DOH, mayroong 206 duplicates ang inalis nila mula sa total case count, kabilang dito ang 201 recoveries.

Nasa 39 kaso naman ang unang tinukoy na recoveries ngunit malaunan ay natuklasang binawian na pala ng buhay sa pinal na balidasyon.
“Ayon sa pinakahuling ulat, lahat ng mga laboratoryo ay operational noong August 15, 2021 habang mayroong 6 laboratoryo na hindi nakapagsumite ng datos sa COVID-19 Document Repository System (CDRS). Base sa datos sa nakaraang 14 na araw, ang kontribusyon ng 6 labs na ito ay humigit kumulang 1.2% sa lahat ng samples na naitest at 1.4% sa lahat ng positibong mga indibidwal,” anang DOH.

Dagdag pa ng DOH, ang ‘relatively low number of cases’ nitong Martes ay dahil sa mababang laboratory output noong Linggo. Ana Rosario Hernandez

Related posts:

10,516 GUMALING SA COVID-19 10,809 DAGDAG NA GUMALING SA COVID-19 10,179 PASYENTE BAGONG GUMALING SA COVID 10,623 BAGONG KASO NG COVID-19 10,019 BAGONG COVID-19 CASES; 7,425 GUMALING