11 BUMABATAK NG DROGA, ARESTADO

CAVITE – HULI ang 11-katao na sinasabing magkakasamang bumabatak ng droga ang naaresto sa isinagawang anti-drug operation ng pulisya at PDEA 4A sa bahagi ng Purok 1, Barangay Mambog 1 sa Bacoor City kamakalawa ng gabi.

Kasalukuyang nasa police station habang isinailalim sa tactical interrogation ang mga suspek na sina Michael “Mike” Camana y Olives, 46; Crisanta “Alma” Cacho y Leonardo, 46; Ronnie “Onet” Delos Reyes y Alfaro, 29; Andrew “Drew” Antoniano y Ba-rong, 33; Jerome Solero y Ilagan, 24; Jolly “Tangkad” Acode y Ducha, 39, ng Brgy. Bayang Luma, Imus City; Ryan “Toto” Rance y Merico, 31; Renzo Yermo y Villa, 21, ng Villa De Primarosa Subd., Brgy. Buhay na Tubig, Imus City; John Costa y Bellon, 22, ng Brgy. Palico 4; Alijhay “Kana” Eparwa y Kabristante, 23; at si Ferdinand “Piling” Medalla y Faller, 32, ng Brgy. Mambog 4.

Base sa police report na naisumite sa Camp Pantaleon Garcia, lumilitaw na bandang alas-11:35 ng gabi nang isagawa ang anti-drug operation kung saan nabulaga ang mga suspek na magkakasamang nagpa-pot session sa bahay ng isa sa mga suspek.

Nasamsam ang 11 plastic sachets na shabu, ilang pakete ng pinatuyong dahon ng marijuana, mga drug paraphernalia, at marked money na ginamit sa drug operation.

Isinailalim na sa drug test at physical examination ang mga suspek habang pina-chemical analysis naman ang mga nasamsam na droga para gamiting ebidensya sa kasong paglabag sa RA 9165.    MHAR BASCO