ZAMBOANGA CITY- NAILIGTAS ng mga tauhan ng PCG ang 11 mangingisda matapos tumaob ang sinasakyang commercial fishing boat sa karagatang sakop ng lalawigang ito.
Sa inisyal na ulat, alas-10:15 ng gabi nang makatanggap ng tawag ang PCG mula sa ilang residente hinggil sa tumaob na SB Jaya sakay ang mga mangingisda kabilang ang piloto.
Unang nasagip ng PNP Maritime Group ang dalawang mangingisda habang nailigtas ng PCG Zamboanga station ang apat na mangingisda na nasa maayos nang kalagayan.
Makalipas ang isang oras ay nasagip din ng PCG rescue team ang limang nalalabing mangingisda na nasa ibabaw ng bangka.
Nahatak na rin ng Philippine Navy Floating asset ang tumaob na bangka malapit sa dalampasigan.
Inaalam na ng PCG kung ang malakas na alon ang dahilan ng pagtaob ng bangka. BETH C