1,159 PANG JEEPNEYS PAPASADA SA 28 RUTA SA METRO MANILA SIMULA SET. 14

PINAYAGAN na ng Land Transportation Franchising and Regulatory Board (LTFRB) ang pagbiyahe ng karagdagang 1,159 traditional public utility jeepneys sa 28 ruta simula sa Setyembre 14.

Sa Memorandum Circular 2020-046, binuksan ng LTFRB ang mga sumusunod na ruta para sa PUJs:

T140 Araneta University – Victoneta Ave./McArthur,T141 SM North EDSA – Luzon Ave. (Puregold),T142 Balintawak – PUC via Baesa, T143 BF Homes – Novaliches,T144 Novaliches – Bignay,T145 Novaliches – Pangarap Village via Quirino Highway, Novaliches, T146 Novaliches – Shelterville via Congressional, T147 – Novaliches – Urduja, T148 Novaliches Town Proper – Barangay Deparo, T149 Grotto, San Jose Del Monte, Bulacan – Novaliches, T240  Aurora/Lauan – EDSA North Ave., T241 Cubao – Proj. 2&3 via 20th Ave., P. Tuazon, T242 Calumpang – LRT 2 (Katipunan Ave.) via Aurora Blvd., T340 Bel-Air – Washington, T341 Brgy. North Bay Boulevard – Pier South via Road 10, T342 Divisoria – Pier South via Delpan, T343 Kalentong/Romualdez – San Juan Via Little B, T344 Kayamanan C – Washington, T345 L. Guinto – Zobel Roxas via Paco Market, T346 Pier South – San Andres, T347 Blumentritt – Libertad via Quiapo, Mabini, T348 Blumentritt – Pier South via Sta. Cruz, T349 Brgy. Bagong Silangan – Marcos Ave. Sampaguita, T350 Dapitan – Delos Reyes/P. Campa via Andalucia/Laong Laan, T351 Kamuning – Vito Cruz via E. Rodriguez, A. Mabini, T409 Alabang – Muntinlupa (Bilibid Prison), T409 Alabang – Muntinlupa (Bilibid Prison) via Katarungan Village, T410 Alabang – Bagumbayan via Bicutan FTI SSH Loop.

Ayon sa ahensiya, maaaring mag-operate ang mga ‘roadworthy’ traditional PUJs na may valid Personal Passenger Insurance Policy sa naturang mga ruta nang iwalang special permit.

“Kapalit ng special permit ay ang QR Code na ibibigay sa bawat operator bago pumasada,” sabi pa ng LTFRB.

Ang  QR Code ay dapat i-print sa short bond paper at i-display sa PUJ unit.

“Maaari i-download ang QR Code mula sa website ng LTFRB (www.ltfrb.gov.ph) simula bukas, 13 Setyembre 2020,” dagdag pa ng LTFRB.

Pinaalalahanan ng ahensiya ang PUJs operators na mahigpit na sumunod sa health at safety measures tulad ng temperature checking, pagsusuot ng face masks at  shield, pagsusuot ng gloves ng drivers, at istriktong pagpapatupad ng physical distancing.