BULACAN-LABINDALAWANG law breakers na kinabibilangan ng dalawang mandurukot at apat na nahuli sa pagtatapon ng 20 sako ng basura ang nakorner ng awtoridad sa serye ng operasyon ng Bulacan Police.
Base sa report kay P/Col. Lawrence B. Cajipe, provincial director ng Bulacan-PNP, unang nadakip ang wanted person na si Jayson Malinao, 35-anyos na nakorner ng tracker team sa manhunt operation sa kanyang hide out sa Barangay Bagong Buhay II, San Jose del Monte City dahil sa kasong homicide.
Dalawa namang drug suspects ang natiklo ng awtoridad sa magkahiwalay na buy bust operation sa bayan ng Norzagaray, tatlong sugarol ang natiklo sa Sta. Maria.
Kinilala naman ni P/Capt. Rustico Pinlac, Acting Chief of Police ng Marilao Police Station ang dalawang nahuling mandurukot na sina Lovely Navarro at Janred Domingo na aktong ginagamit ang credit card ng kanilang dinukutan sa Valenzuela City.
Samantala, nadakip naman ang apat na nagtapon ng basura sa Brgy. Pulong Buhangin, Sta. Maria. MARIVIC RAGUDOS
Comments are closed.