MASBATE – LABINDALAWANG kagawad ng Philippine National Police (PNP) ang nasugatan matapos masangkot sa aksidente ang sinasakyang patrol car nang sumalpok ito sa isang waiting shed sa Brgy. Luya, Aroroy.
Kabilang sa mga nasugatan ay sina PSSg Goldenito Despi Jr, 31; PCpl Vergel Vergara, 36; Pat Julius Joel Belo, 24; Pat Ramil Nuñez, 26; Pat Edwin Borbe, 30; Pat Renan Lozada, 29; Pat Dave Anthony Ocampo, 27; Pat Christian Joy Alibio, 23; Pat John Ergig Realo, 25; Pat Mark Anthony Peñano, 23; at Pat Joel Perite, 25 na pawang kasapi ng 2nd Police Mobile Force Company.
Lulan ng kanilang patrol vehicle ang mga biktima na minamaneho ni Pat Marcial Saceda Jr at tinatahak ang kanilang designated insertion area para sa Major Internal Security Operations/Clearing Operation kasama ang 1st Provincial Mobile Force Company ng Masbate.
Mabilis naman na nakipag-ugnayan ang Aroroy Municipal Police Station sa Department of Public Works and Highways (DPWH) para sa pag-tow ng sasakyan habang nagpapatuloy pa ang isinasagawang imbestigasyon sa nangyari. VERLIN RUIZ
Related posts:
DALAWANG TAO SUGATAN SA KARAMBOLA NG PITONG SASAKYAN
TRIKE PASSENGER MINALAS SA VEHICULAR ACCIDENT
2 TINEDYER MINALAS, 5 SUGATAN SA SAKUNA
BINATA MINALAS SA SALPUKAN NG MOTORSIKLO AT PUV
UMIWAS SA MOTORSIKLO NAAKSIDENTE, 2 PA NADALE
4 PATAY SA KOTSENG BUMANGGA SA MOTOR
4 NADALE SA ROAD MISHAP SA QUEZON
2 MOTOR RIDERS NAPURUHAN SA DISGRASYA
Comments are closed.