Umaabot sa 120,000 Caviteños ang nakinabang sa may P1 bilyong halaga ng programa at serbisyo ng gobyerno, sa ika-24 na Bagong Pilipinas Serbisyo Fair (BPSF) ni Pangulong Ferdinand “Bongbong” R. Marcos Jr., na idinaos sa Cavite nitong Biyernes at Sabado.
Kaugnay nito, tiniyak ni House Speaker Ferdinand Martin G. Romualdez na ipagpapatuloy ng BPSF ang paghahatid ng direktang serbisyo at tulong sa mga Pilipino.
Nabatid na ang pamilya Revilla, sa pangunguna ni Sen. Ramon “Bong” Revilla Jr., at misis nitong si Cavite Rep. Lani Mercado Revilla, ang naging local host ng aktibidad, katuwang si Speaker Romualdez at may 65 ahensya ng pamahalaan na may dalang 235 mahahalagang programa at serbisyo.
“Ang Bagong Pilipinas Serbisyo Fair ay patunay na walang maiiwan sa Bagong Pilipinas ng ating Pangulong BBM. Dito, mabilis, maayos, maginhawa at masaya ang serbisyong hatid natin sa bawat Pilipino,” ani Romualdez.
Sa ilalim ng naturang programa, ang mga benepisyaryo ay nakatanggap ng kabuuang P451 milyong cash assistance at 255,500 kilo ng bigas.
“Ang tagumpay ng Serbisyo Fair ay isang halimbawa ng ating pagkakaisa para tiyakin na maramdaman ng bawat Pilipino ang presensya ng pamahalaan,” sabi ni Romualdez
Nabatid na ilan sa mga mahahalagang ahensya na nakibahagi sa BPSF ang Department of Social Welfare and Development (DSWD), Department of Labor and Employment (DOLE), at Technical Education and Skills Development Authority (TESDA).
Ang TUPAD program ng DOLE ay naglalayong magbigay ng panandaliang trabaho sa mga residente habang ang scholarship ng TESDA ay nagbibigay ng pagsasanay sa mga Caviteños na makatutulong upang sila ay makapasok ng trabaho.
Magpapatuloy ang pamamahagi ng ayuda sa buong Cavite kung saan marami pa ang inaasahang makakatanggap sa mga susunod na linggo.
Pagbabahagi pa ni Speaker Romualdez umabot na sa P13 bilyong tulong sa may 2.8 milyong pamilya ang naihatid na sa naunang 23 BPSF.
Kumpiyansa naman si Speaker Romualdez na magiging matagumpay din ang mga susunod pang BPSF.
Related posts:
HIGIT 300 POOREST OF THE POOR NG DAVAO CITY, BINIGYAN NG TIG-P10K AT 20 KILOS NG BIGAS
(Ayon sa DSWD) FOOD STAMP BENEFICIARIES KAILANGANG MAY TRABAHO
HUWAG GAMITIN PERA NG TAUMBAYAN SA CHA-CHA PETITION DRIVE – IMEE
MAHIGIT 1K FISHERMEN AT SENIOR CITIZEN SA PALAWAN PINABIGYAN NG TULONG NI SPEAKER ROMUALDEZ
BONG GO STRESSES NEED FOR STRONGER INITIATIVES TO ADDRESS POVERTY: “WALANG PULITIKA DAPAT ANG PAGTULONG SA MGA MAHIHIRAP”
(Sa anibersaryo ng Bagong Pilipinas Serbisyo Fair) P1.26-BILYON SERBISYO NG GOBYERNO, CASH AID BUMUHOS SA 523,000 BENEPISYARYO
P10B AYUDA NG GOV’T NAIPAMAHAGI SA 2.5-M PAMILYANG BENEPISYARYO (Sa unang taon ng Bagong Pilipinas Serbisyo Fair)
DOLE SEC SA PCB