147 PINOY PA SA ABROAD, MAY COVID

NASA 147 na mga bagong kaso ng mga Pinoy sa abroad ang tinamaan ng COVID-19.

Ito ang ulat na nakarating sa tanggapan ng Department of Foreign Affairs (DFA).

Ayon sa DFA, nitong nakaraang linggo, nasa 147 panibagong kaso ng mga Pinoy sa abroad ang infected sa COVID-19, 76 ang bagong mga naka-recover, samantalang 16 ang bagong fatalities.
Sa ngayon ay 97 mga bansa at territories na may mga Pinoy ang kumpirmadong tinamaan ng naturang virus.

Ayon sa report, ito ay mula sa mga bansang Middle East at Africa.

Kumpara nitong mga nakaraang linggo, base sa datos, ang total number ng COVID-19 fatalities, under treatment at recoveries ay bahagyang lumobo ng 1.29%, 0.75% at 0.62%.

Sa ngayon, ang DFA ay patuloy na nagsasagawa ng monitoring sa kalagayan ng mga Pinoy sa abroad.
Sinisikap ng ahensiya na maprotektahan ang kalagayan ng mga ito lalo na sa pangkalusugan. LIZA SORIANO