NAPAGPASYAHAN na lamang ng mga opisyal ng Department of Transportation (DOTr) na i-donate ang kanilang 14th month pay sa mga biktima ng lindol sa Mindanao.
Nagkasundo ang undersecretaries, assistant secretaries at mga namumuno sa attached agencies ng DOTr sa pangunguna ni Secretary Arthur Tugade na i-donate ang kanilang 14th month pay sa pamamagitan ng Du30 Cabinet Spouses Association, Inc.
Lumabas ang ideyang ito sa talakayan para sa magiging pagtugon ng ahensiya sa pangangailangan ng mga nilindol na lugar.
Bukod sa kabahayan ng maraming residente sa Cotabato ay wasak din sa lindol ang maraming kalsada at iba pang mga impraestruktura sa rehiyon.
Ayon kay DOTr Secretary Arthur Tugade, mas dapat unahin ang pangangailangan ng mga residente tulad ng pagkain, inumin, koryente at ligtas na matitirhan.
Sinabi pa ng kalihim na hindi mahalaga kung gaano kalaki ang maiambag, ang mahalaga ay pairalin ang diwa ng pagtulong sa kapwa lalo na sa panahon ng kalamidad.
Related posts:
QUAKE VICTIMS SA MINDANAO (Pinatutukan ng Malakanyang)
PALASYO NAKIRAMAY SA MGA BIKTIMA NG MINDANAO QUAKE
(Sa mga lugar na apektado ng lindol) DOLE RESPONSE TEAMS SUMUGOD SA MINDANAO
(Pangangailangan nakita sa lindol sa Mindanao) PHIVOLCS ISAMA SA DDR
MINDANAO HINDI NAIWAN SA VACCINATION PROGRAM-PALASYO
(Dadalhin sa Visayas at Mindanao kabilang ang Davao) COVID VACCINE EXPRESS PROGRAM NI VP ROBREDO
SUPORTA NG MASA KAY BONGBONG SA MINDANAO LALONG TUMIBAY
MGA MINDANAOAN HINDI INIWAN ANG UNITEAM SA GITNA NG MALAKAS NA ULAN