MISTULANG biglang natauhan ang 15 miyembro ng New Peoples Army (NPA) sa probinsya ng Sultan Kudarat at nagsisuko ang mga ito.
Ayon kay Sultan Kudarat Police Provincial Director Colonel Reynaldo Felestino na umaabot sa 15 na mga NPA sa ilalim ng Platoon Cherry Mobile ng Guerilla Front Committee 73 ang sumuko sa militar at pulisya.
Karamihan sa mga rebelde ay mga katutubo na kumikilos sa mga bayan ng Kalamansig, Lebak, Palimbang at Senator Ninoy Aquino Sultan Kudarat.
Ang mga NPA na sumuko ay pormal na tinanggap nina Sultan Kudarat police Provincial director Colonel Reynaldo Celestino, Police Mobile Force 12 commander Lt. Colonel Barney Condes, Marine Brig. Gen. Eugenio Hernandez, commander 1st Marine Brigade at Lebak Mayor Dionesio Besana.
Dala ng mga rebelde sa kanilang pagsuko ang isang M16 Armalite rifle, isang caliber .30 garand rifle, dalawang M14 rifles, isang homemade rifle, isang 12 guage shotgun, dalawang kalibre.45 na pistola, isang homemade Ingram machine pistol, dalawang M-79 grenade launchers at mga bala.
Kinumpirma naman ni PNP-12 Regional Director Brigadier General Eliseo Tam Rasco na makatatanggap ng livelihood assis-tance at tulong na pinansiyal ang mga NPA sa ilalim ng Expanded Comprehensive Local Integration Program (E-CLIP) ng admin-istrasyong Duterte.
Nanawagan naman si 6th ID Chief Major General Cirilito Sobejana sa mga rebelde na magbalik-loob na sa gobyerno at mamuhay ng mapayapa kasama ang kanilang mahal na pamilya. PILIPINO Mirror Reportorial Team
Related posts:
ALBAYALDE DUDANG BUHAY PA ANG SPARROW YUNIT NG NPA
MAS PINAIGTING NA OPENSIBA NG NPA DAHIL SA MARTIAL LAW EXTENSION
513 MINORS PUMASOK SA NPA
(9 NPA high value target arestado) 4 NA CPP-NPA FRONT ORG SINALAKAY
(Sa engkuwentro laban sa NPA) MGA NASAWI AT SUGATANG SUNDALO PINARANGALAN
(Sa araw ng Niños Inocentes) BATANG NABIKTIMA NG NPA GUNITAIN
TESDA NAGLUNSAD NG TRAINING SA MGA SUNDALO AT DATING NPA
RED TAGGING HINDI NAGMULA SA GOBYERNO
Comments are closed.