BILANG pagkilala sa kanilang kabayanihan at matinding sakripisyo gayundin upang mapalakas ang economic activities sa kanilang lugar, 60 pang emergency health workers o kabuuang 160 medical frontliners mula sa Eastern Visayas Regional Medical Center (EVRMC) ang pinagkalooban ng libreng hotel accommodations.
Ang ‘three months free of charge’ na pamamalagi sa Madison Park Hotel at Leyte Park Hotel & Resort, kapwa nasa Tacloban City, ng mga naturang health care worker ay bahagi ng joint project nina Pangulong Rodrigo Roa Duterte, House Majority Leader Martin Romualdez (Leyte 1st. District) at Tingog party-list Rep. Yedda Marie Romualdez.
Nabatid na Hulyo 17 nang unang naglaan ng 50 rooms sa Leyte Park Hotel & Resort para sa 100 emergency frontliners ng EVRMC Magsaysay at Cabalawan branches, habang nito namang nakaraang Hulyo 25 ay 30 kuwarto sa Madison Park Hotel ang ipinagamit sa panibagong 60 medical staff ng nasabing pagamutan.
Pagbibigay-diin ng Romualdez couple, patuloy at higit pa nilang pag-iibayuhin ang pagkikipagtulungan sa Duterte administration sa layuning mabuksan at muling pasiglahin ang ekonomiya sa mga lugar na kanilang nasasakupan kasabay ang ibayong pangangalaga sa mga medical frontliner. ROMER R. BUTUYAN
Related posts:
GLOBE SUPORTADO ANG MILITARY FRONTLINERS
COVID-19 TESTING SA TOURISM FRONTLINERS PINAMAMADALI
90% NG MEDICAL FRONTLINERS GUMALING NA SA COVID-19
(Sa National Heroes’ Day) FILIPINO FRONTLINERS KINILALA NI DUTERTE
FRONTLINERS INIHALINTULAD KAY RIZAL
VACCINATION PLAN DAPAT ALAM NG FRONTLINERS
BARANGAY FRONTLINERS, IPINASASAMA SA PRAYORIDAD SA COVID-19 VACCINE
SM FOUNDATION, BROWNIES UNLIMITED PARTNER IN REACHING COVID-19 FRONTLINERS
Comments are closed.