MAGUINDANAO DEL SUR – PATAY ang nasa 17 indibidwal sa naganap na sagupaan ng dalawang magkalabang grupo ng Moro Islamic Liberation Front (MILF) kamakalawa ng gabi sa Sitio Gagadangan, Barangay Kilangan, bayan ng Pagalungan.
Ang naturang ulat ay kinumpirma ni PNP Public Information Office Chief Police Brigadier General Jean Fajardo sa Camp Crame kahapon.
Ayon kay Fajardo, nag-ugat ang engkuwentro dahil sa alitan sa lupa na umaabot sa 45 ektarya ang lawak.
Batay sa impormasyon mula sa Police Regional Office-Bangsamoro Autonomous Region in Muslim Mindanao (PRO BARMM), sumalakay ang grupo ng isang Kumander Latip sa kuta ng kalabang grupo na pinamumunuan ni Kumander Sultan, bandang alas-11 kamakalawa ng gabi.
Nabatid sa nasabing insidente, 16 na tauhan ni Kumander Latip ang nasawi habang isang tauhan naman ni Kumander Sultan ang napatay.
Sa kasalukuyan, kontrolado na ang sitwasyon sa lugar matapos ang pagdagdag ng puwersa ng pulisya at militar at paglalagay ng mga check point.
EVELYN GARCIA
Related posts:
2 MILF BULAGTA, 7 SUGATAN SA CLAN WAR
40 MILF ARESTADO SA BUKIDNON
LIDER NG BIFF, 11 PA UTAS SA SAGUPAAN
7 SUNDALONG SUGATAN SA SAGUPAAN PINARANGALAN
MIYEMBRO NG ISLAMIYAH TODAS SA ENGKUWENTRO
2 OPISYAL NG MILF NASAKOTE SA ILLEGAL NA PAGBEBENTA NG ARMAS
TANOD PATAY, PULIS AT 3 PA SUGATAN SA KARAHASAN SA LAST DAY COC FILING
BUMBAY NAKALIGTAS SA PANANAMBANG