CAVITE- NALAMBAT ng mga operatiba ng Criminal Investigation and Detection Group RFU 4A ang Number 4 Most Wanted Person ng Calabarzon sa pinagtataguan nitong unit sa Park Central Tower, Barangay Urdaneta, Makati City.
Kinilala ng mga umarestong pulis ang suspek na si Mark Ryan Babianas y Palero, 19-anyos at residente ng Barangay Hulogan, Tanza, Cavite.
Si Babianas, ayon sa pulisya ay wanted sa anim na kaso ng panghahalay sa isang menor de edad sa Cavite at nagtago ng ilang buwan matapos ang nasabing pang- aabuso.
Sinabi ni Lt.Col. Joel Manuel Ana, CIDG RFU4A chief, si Babianas ay nahaharap sa dalawang uri ng kasong rape na walang piyansa o bail at tatlong sexual assault na may tig- isandaang libong bail bawat isa.
Ang pagkakaaresto sa suspek ay sa bisa ng warrant of arrest na inisyu ng tanggapan ni Hon. Judge Flordeliz Cabanlit Fargas, presiding judge ng 4th judicial division, branch 5 ng RTC ng Trece Martirez, Cavite na inilabas nitong Nobyembre 8, 2022.
Si Babianas ay nasa pangangalaga ng mga awtoridad sa lalawigan ng Cavite. ARMAN CAMBE