INIANUNSIYO ng Department of Health (DOH) na ngayong linggong ito ay nakatakda na nilang pauwiin sa bansa ang may 196 Pinoy na nasa Macau, sa gitna ng banta ng coronavirus desease 2019 (COVID-19).
Ayon kay Health Secretary Francisco Duque III, kabilang sa naturang bilang ang 148 overseas Filipinos (OFWs) na pauuwiin sa pamamagitan ng chartered flights at 48 na active members ng Overseas Workers Welfare Administration (OWWA), na pauuwiin naman sakay ng commercial flights.
Nilinaw naman ng kalihim na ituturing lamang na persons under monitoring (PUMs) ang mga naturang repatriates.
Bilang PUMs, aatasan ang mga repatriate na sumailalim sa self-quarantine sa loob ng 14-araw pagdating nila sa bansa.
“‘Yun pong ating repatriates from Macau will be treated as PUMs, persons under monitoring,” ani Duque, sa isang press briefing nitong Miyerkoles.
Tulad naman ng mga unang batch ng mga pinauwing Pinoy, susuriin muna ang mga pauuwiing Pinoy laban sa COVID-19 bago tuluyang pasakayin sa eroplano na mag-uuwi sa kanila sa Filipinas.
Matatandaang nagpapatupad ang Filipinas ng travel restrictions sa Macau dahil sa banta ng COVID-19. ANA ROSARIO HERNANDEZ
Related posts:
(Sa banta ng COVID-19) PUBLIKO PINAKALMA NI DIGONG
(Sa MV Diamond Princess) 41 PINOY NA ANG POSITIVE SA COVID-19
PINOY SA SINGAPORE POSITIVE SA COVID-19
ISRAEL AT LEBANON MAY NAITALANG KASO NG COVID-19
(Nasa iba’t ibang bansa) 63 PINOY POSITIVE SA COVID-19
5 PINOY SA LUXURY SHIP, NAKITAAN NG SINTOMAS NG RESPIRATORY ILLNESS
(Pinag-aaralan ng gobyerno) TRAVEL BAN SA JAPAN, ITALY, IRAN
PANGANIB NG COVID-19 NASA “VERY HIGH” LEVEL NA–WHO
Comments are closed.