INISYUHAN na ng safety seal certification ang Pasay City Business Permit and Licensing Office (BPLO) sa mahigit 1,000 establisimiyento na nakasunod sa checklist requirements ng lungsod.
Ito ay napag-alaman kay BPLO chief Mitch Pardo na nagsabing nagbigay pang muli ang lokal na pamahalaan ng palugit hanggang sa susunod na linggo upang magkaroon pa sila ng pagkakataon para makapagsumite ng kanilang aplikasyon at makakuha ng safety seal certification.
Sinabi ni Pardo na inilunsad ng lokal na pamahalaan noong Hunyo 12 ang pag-isyu ng safety seal certification sa SM Mall of Asia (MOA).
Ayon kay Pardo, sa paglulunsad ng safety seal certification ay nagtayo ng mga booth sa naturang mall na parang one-stop-shop upang mapabilis ang aplikasyon ng safety seal certification.
Ang iba pang mga establisyimento na nakatanggap na ng safety seal certification ay ang Resorts World, Metro Point, Victory Mall, WMall, Double Dragon at ang Galleria sa Baclaran.
Nananatiling tumatanggap pa rin ng aplikasyon hanggang ngayong linggo na lamang ang mga booth sa Mall of Asia at MetLive.
Dagdag pa ni Pardo, ang pag-isyu ng sertipikasyon ng lahat ng lokal na pamahalaan sa Metro Manila ay nakapailalim sa Joint Memorandum Circular No. 21-01 na nagmamandato sa bawat local government units (LGUs) sa pagbuo ng Safety Seal Certification Committee na magsisilbing taga-isyu sa mga nakarehistrong business establishment na nais magpainspeksyon at mapatunayan na mayrooong safety seal upang maiangat ang kumpiyansa ng mga consumers na ang nainspeksyong business establishment ay nakasunod sa health protocols.
Ang Safety Seal Certification Committee ay kinabibilangan ng mga miyembro ng BPLO, Bureau of Fire and Protection (BFP), City Health Office (CHO), City Environment and Natural Resources (CENRO) at ng lokal na pulisya na siyang aalalay sa business establishments para makapag-apply at magkaroon ng kanilang safety seal certification. MARIVIC FERNANDEZ
654067 392314for but another wonderful informative post, Im a loyal reader to this weblog and I cant stress enough how a lot valuable data Ive learned from reading your content material. I genuinely appreciate all of the hard work you put into this great blog. 257145
802523 827576Hello there, just became alert to your weblog via Google, and located that it is genuinely informative. Im gonna watch out for brussels. Ill be grateful in case you continue this in future. Many men and women will likely be benefited from your writing. Cheers! 690227
648219 69417I truly enjoy searching by way of on this web web site , it holds superb content . 574189