DALAWANG entries ang nakausad sa 4-cock grand finals ng World Slasher Cup 9-Cock Invitational Derby sa taong ito matapos makapagtala ng magandang score sa eliminations at semifinal rounds.
Pasok sa grand finals ang combined entry nina Jun Topacio at Padz Barr na may 5-0 record makaraang maipanalo ang lahat ng laban sa 2-cock eliminations at 3-cock semifinals.
Umabante rin sa grand finals si TJ Marquez na may 4-1 win-loss record sa pagtatapos ng unang semifinal round nitong Miyerkoles ng gabi.
Sasagupa naman sa pre-finals sa Marso 27 ang ilang malalaking pangalan sa isport na nakakuha ng 2, 2.5, 3, at 3.5 points patungo sa finals. Pasok sa pre-finals sina Engr. Mark Anthony Acebedo, Capt. Luis Tapia, Iking Araneta, Doc Eddie Boy Cheng, Raymond Velayo at Lito Cay, RQP, Mayor Boyet Joson, Johnny Moore at John Seiner, Kulit Alcala, Patrick Antonio, at Nene Araneta.
Samantala, may 39 pang sultada ang matutunghayan para sa huling araw ng semifinal round Huwebes ng gabi.
Ang WSC 2022 ay suportado ng Thunderbird, Emperador, Petron, Asiawide Negrense Construction Corporation, Tempo, at PILIPINO Mirror. NEIL ALCOBER
