2-ANYOS NABULUNAN SA KENDI

PASAY CITY – HUMA­BOL sa undas ang isang paslit na babae makaraang mabilaukan ng candy noong Oktubre 31 ng gabi.

Sa blotter ng Pasay City Police, alas-7 ng gabi nang mangyari ang insidente sa tapat ng bahay ng isang driver na kinilala sa alyas na Jun, 28-anyos.

Ayon kay Jun, nagulat na lamang siya nang marinig niyang umiiyak ang ina ng biktima habang inaakusahan siya na may kinalaman sa pagkasawi ng biktima.

Bago ang pangyaya­ri, ay sinabi ng suspek na naglalaro noon sa tapat ng kaniyang bahay ang bata nang lumapit ito sa kanya para magpatulong na alisin ang balat ng lo­llipop nito na siya namang ginawa ng lalaki saka pumasok sa kanyang bahay para matulog.

Sa inisyal na ulat ng pulisya, ginahasa umano ng suspek ang bata na na­ging sanhi ng pagkamatay nito kaya agad nila itong inaresto.

Ngunit isang buong lollipop candy ang nakitang nakabara sa lalamunan ng bata ang nadiskub­re nang isailalim na sa awtopsiya ang labi na hinihinalang dahilan ng pagkasawi nito. PILIPINO MIRROR REPORTORIAL TEAM