2 BIFF TUMBA SA ENCOUNTER

patay

MAGUINDANAO – NAPATAY ang dalawang  miyembro ng Bangsamoro Islamic Freedom Fighters (BIFF) na itinuturing ding drug syndicate makaraang makipagbakbakan sa tropa ng militar, Philippine Drug Enforcement Agency (PDEA) at pulisya sa liblib na bahagi ng Barangay Lipao sa bayan ng Datu Paglas, kamakalawa ng umaga.

Sa ulat na nakarating kay Maj. Gen. Diosdado Carreon, pinuno ng Army’s 6th Infantry Division, inilatag ng pinagsanib na puwersa ng 40th Infantry Battalion ng Philippine Army, PDEA – Bangsa­moro Autonomous Region in Muslim Mindanao at Buluan municipal police station ang operasyon laban sa mga suspek bandang alas-6:50 ng umaga.

Gayunman, napatay ang dalawa na kasaluku­yang bineberipika ang pagkakakilanlan habang  nakatakas naman ang kanilang lider na si kumander Grasscutter.

Nabatid na si Grasscutter ay sub-leader ng BIFF na sangkot sa drug trade sa lalawigan.

Narekober sa encounter site ang M14 rifle, M16 rifle, bandoliers at mga magazines. MHAR BASCO

3 thoughts on “2 BIFF TUMBA SA ENCOUNTER”

  1. 616023 330942Thrilled you desire sensible business online guidelines keep wearing starting tools suitable for the certain web-based business. cash 516839

Comments are closed.