CAMARINES NORTE-NASAKOTE ng mga awtoridad ang tinaguriang bigtime drug personalities makaraang masamsam sa mga ito ang mahigit sa P15 milyon halaga ng shabu at cocaine sa isinagawang buy bust operation sa Vinzons.
Batay sa pahayag niPB General Andre Perez Dizon, Regional Director ng Police Regional Office (PRO) -5, ang mga nasakote ay nakilalang sina Marlon Aloc at Joji Ian Canolizado kapwa residente sa nasabing lalawigan.
Ang dalawang suspek ay nasakote dakong 11:20 kamakalawa ng gabi sa Maharlika Highway, sa Barangay Santo Domingo. Vinzons.
Nasamsam sa ng mga operatiba sa mga suspek ang 2.2 kilo ng shabo na nagkakahalaga ng P14.96 milyon at 14 gramo ng cocaine na umaabot sa halagang P212,000.
Ayon kay Dizon, napag-alaman na ang mga suspek na residente ng Camarines Norte, ay nakakakuha ng suplay na droga mula sa Chinese nationals sa Metro Manila.
Mahaharap ang mga suspek sa kasong paglabag saRepublic Act 9165 o Comprehensive Dangerous Drugs Act of 2002.
EVELYN GARCIA