CAMP CRAME – ISINAPUBLIKO ng Philippine National Police (PNP) ang dalawang closed-circuit television (CCTV) footage hinggil sa pagpaslang kay National Democratic Front of the Philippines Peace Consultant Randy Malayao.
Ang isang CCTV footage, ay mula sa bus terminal sa Quezon City, alas-9 ng gabi noong Enero 29.
Sa nasabing footage, sumakay si Malayao sa bus at isang lalaki ang lumapit sa nasabing sasakyan, kinuhanan ng larawan ito saka umalis.
Makaraan ang limang oras, alas-2 ng madaling araw noong Enero 30, nag-stop over ang bus sa Aritao, Nueva Vizcaya.
Sa pangalawang CCTV footage, may dalawang lalaki ang nanigarilyo sa labas ng bus na nakahimpil.
Alas-2:21 ng madaling araw ng nasabing petsa, isang lalaki na nakasuot ng sombrero at jacket ang pumanhik sa bus at dalawang beses na binaril si Malayao.
Nang magulantang ang iba pang pasehero ay tumakas na ang dalawa. EUNICE C.
Comments are closed.