LAS PIÑAS – BIGO ang isang driver at kasama nito sa umano’y pagdukot sa dalawang Chinese sa Pamplona 3 kahapon ng madaling araw sa lungsod na ito.
Sa text message ni Southern Police District Director, Sr. Supt. Eliseo Cruz sa PILIPINO Mirror, nakatanggap ng ulat ang Las Piñas Police Station sa pamumuno ni Sr. Insp. Eleazar Camiling hinggil sa paghingi ng tulong sa kanila nina Ma Lie, 30-anyos, Chinese, may-asawa at Xu Gou Cong, 28-anyos, pawang nakatira sa Jasmine Street, DMS Pamplona hinggil sa tangkang pagdukot sa kanila.
Ala-1:30 ng madaling araw nang tumawag sa pulisya hinggil sa umano’y tangkang pagdukot nina Giovanni Villa, 35-anyos, taga-Caloocan City at Romeo Matillano ng Nueva Ecija.
Nakuhanan naman ng tig-isang armas ang dalawa at ang kanilang dalang van.
May ulat naman na ang master mind sa pagdukot ay kabaro ng mga dayuhan. ROSE LARA
Comments are closed.