BULACAN-ARESTADO ang dalawang Chinese National sa isinagawang entrapment opertion ng mga operatiba ng Criminal Investigation and Detection Group at Barangay Intelligence Network sa Baypass Road, Brgy Bulihan, Plaridel.
Sa inisyal na report ni CIDG Provincial Officer Lt.Col Dave Mahilum kay CIDG Regional Chief Lt.Col. Jovit Culaway, kinilala ang mga nadakip na suspek na sina Chen Peirong at Cai Shi Chuan kapwa nasa hustong gulang, residente ng Zamboanga del Sur at Quezon City.
Ganap na alas-3:40 ng hapon nang masukol ang dalawa sa entrapment habang sakay ng isang isuzu close van na may plakang CAQ-8819 na lulan ang pekeng sigarilyo na Modern at Fortune brand
Kasunod nito, ang dalawang trailer truck ng Baclayon Trucking Services lulan ang apat na 20 ft container van na puno ng pekeng sigarilyo.
Ayon naman sa truck helper na si Cesar Santos, kinuha nila ang mga container van sa maliit na yarda malapit sa pantalan ng Mariveles, Bataan.
Samantala, tinatayang aabot sa higit P16 milyong ang nakumpiskang ilegal na sigarilyo.
Nakakulong ngayon ang mga suspek sa CIDG detention cell habang inihahanda ang kaukulang kaso laban sa mga ito. THONY ARCENAL