MAYNILA- DALAWANG doktor pa ang iginupo ng coronavirus disease (COVID-19) kaya umabot na sa 12 na physicians ang pumanaw sa nasabing sakit.
Kinumpirma ni Private Hospitals Association of the Philippines, Inc. (PHAPI) President Dr. Rustico Jimenez, ang naturang ulat kahapon.
Gayunman, hindi muna pinangalanan ni Jimenez ang dalawang doktor na namatay na rin dahil sa COVID-19.
Kasabay nito, nanawagan ding muli si Jimenez sa pamahalaan ng sapat na suplay ng personal protective equipment (PPE) sa mga pribadong pagamutan para maprotektahan ang mga health worker at maiwasang dapuan ng virus.
Pinayuhan pa niya ang mga taong nais na mag-donate ng PPE na idiretso na ang mga ito sa pinakamalapit na pagamutan.
Nakikiusap din siya na huwag nang i-hold ang PPEs sa mga bodega ng Department of Health (DOH) at ipamigay na lamang ng ipamigay para maisalba ang mga frontliner. ANA ROSARIO HERNANDEZ
Related posts:
(COVID-19 cases sa QC sumampa sa 40) 3 DOKTOR NAHAWA SA PASYENTE
(Ika-9 sa mga doktor na nasawi) UTOL NI COMEDIENNE RUBY RODRIGUEZ IGINUPO NG COVID
80 PINOY CREW NG MV DIAMOND PRINCESS POSITIBO SA COVID-19
85 OFWs NA DINAPUAN NG 2019 CORONAVIRUS DISEASE
PINOY KASAMA SA ‘LUMAYA’ SA CRUISE SHIP QUARANTINE
REPATS NG 140 PINOY MULA MACAU SA MARSO 11 NA
NCRPO AT DOH NAGSANIB PUWERSA VS COVID-19
4 METRO COPS TINAMAAN NG COVID-19
Comments are closed.