RIZAL-ARESTADO ang isang babae at isang lalaki sa buy- bust operation ng mga operatiba ng Antipolo City Drug Enforcement Team (CDET) kamakalawa dakong alas -3:50 ng madaling araw sa Upper A, Ruhat 3, Brgy. Mambugan.
Ang operasyon ay pinangunahan ni PLCol June Paolo Abrazado nagresulta sa pagdakip kina Jonathan Caponpon, taga Antipolo City at alyas Mavic ng Baras, Rizal.
Narekober mula sa mga suspek pitong sachets ng shabu na may bigat na humigit kumulang 30 gramo na tinatayang nagkakahalaga ng P204,000; buy bust money na P500 bill, at coin purse.
Samantala, ang suspek at mga ebidensya ay dinala sa Rizal Provincial Forensic Unit para sa tamang disposisyon.
Kasalukuyang nasa kustodiya ng Antipolo Custodial Facility ang nasabing mga suspek na nahaharap sa reklamong paglabag sa Comprehensive Dangerous Drugs Act of 2002 o RA 9165. ELMA MORALES