ZAMBOANGA CITY- ARESTADO ang dalawang tulak sa inilunsad na buy-bust operation kasabay ng pagkakasamsam ng P13.6 milyong halaga ng droga kamakawa ng gabi sa lalawigang ito.
Batay sa report ng pulisya, ang mga suspek ay nakilalang sina Kamil Khan Mahadali Abubasar, alyas Saddam, 26-anyos at Muhajiran Romeo Jumlah, 27-anyos, pawang taga-Jolo, Sulu, at kabilang sa talaan ng high-value individuals(HVI).
Base sa ulat nasakote ang naturang mga suspek sa parking lot ng isang fast-food outlet matapos magbenta ng shabu sa isang poseur-buyer.
Nasamsam mula sa mga suspek ang dalawang kilong shabu na umaabot sa halagang P13.6 milyon, boodle money, motorsiklo at isang cellular phone.
Kasalukuyang nasa kustodiya ng pulis ang mga suspek at nahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
EVELYN GARCIA
