QUEZON- ARESTADO sa isang drug buy bust police operation ang dalawang suspek na High Value Individual(HVI) ng pinagsanib na puwersa ng Lucena PNP, QPPO-PDEU,at PDEA sa may Purok Ilang-Ilang,Brgy.Silangang Mayao, Lucena City.
Kinilala ni Lt Col. Ruben Ballera, hepe ng Lucena PNP ang mga naarestong sina Christian Magtaas Enverga alyas Mayor, 40-anyos, residente ng Brgy.Silangang Mayao at Antonio Ruel San Vicente alyas Tonton, 43-anyos at residente naman ng Brgy.Domoit.
Base sa report ni Quezon Provincial Director Col. Ledon D Monte na dakong alas-7:30 ng gabi nang magsagawa ng drug operation ang mga awtoridad sa nabanggit na lugar na nagresulta sa pagkakaaresto sa dalawang suspek at nakumpiska sa kanila ang mga iligal na droga na nakalagay sa 13 piraso na heat sealed transparent plastic sachet na tumitimbang ng nasa 159.06 gramo at nagkakahalaga ng nasa P3,224,824.00 milyon ang street value.
Kasalukuyang nakakulong sa Lucena PNP costudial facility ang mga suspek at nakatakdang sampahan ng mga kasong Violation of Section 5 at Section 11 ng RA 9165.
BONG RIVERA