2 KAGAWAD NG BARANGAY HULI SA DRUG OPS

DALAWANG opis­yal ng barangay ang naaresto ng mga tauhan ng Philippine Drug Enforcement Agency (PDEA)  sa isinagawang magkahiwalay na drug ope­rations sa Ilocos Norte at Leyte kamakailan.

Kinilala ni PDEA Director General A­aron N. Aquino ang mga suspek na sina Rexor Bartolome y Raquiza at Noel Vargas y Mesa na kapwa barangay kagawad.

Si Bartolome ay ina­resto sa buy bust ope­ration na isinagawa ng mga tauhan ng PDEA Regional Office I (PDEA RO I) sa ila­llim ni Director Bryan B. Babang  at ang lokal na pulis bandang ala-1:30 ng hapon sa Barangay 23, San Matias, Laoag City, Ilocos Norte.

Nakumpiska sa suspek ang tatlong pakete ng hinihinalang shabu na may bigat na 5 gramo na tinatayang aabot sa P34,000 ang halaga, 1 mobile phone, wallet at ang buy bust money.

Samantala, nadakip naman si Vargas sa isa pang drug operation, bandang alas-7:00 ng gabi nang ikasa naman ng mga tauhan ng PDEA Regional Office VIII (PDEA RO VIII) sa ilalim ni Director Edgar T. Jubay, at ng mga tauhan ng Barangay Bantique, Hilo­ngos, Leyte.

Nakuha kay Vargas ang 2 pakete ng heat-sealed transparent plastic sachet na naglalaman ng hinihinalang shabu na may bigat na 0.22 gram, o tinata­yang nagkakahalaga ng P1,496 at ang buy bust money.

Sa kasabay rin na operasyon ng PDEA,  nasakote naman ang isang lalaki sa Cebu City na kinilalang si Marvin Makilang y Abellana na nahuli dakong alas-4:30 ng hapon kamakailan ng mga tauhan ng PDEA Regional Office VII (PDEA RO VII) sa pa­ngunguna ni Director Wardley M. Getalla, at mga kawani ng PNP sa Caimito Street, Barangay Basak, San Nicolas, Cebu City.

Nakuha mula sa suspek ang 2 piraso ng heat-sealed transparent plastic packs na naglalaman ng shabu. Tinatayang aabot sa 125 gramo na nagkakahalaga ng P850,000.

Haharap ang mga suspek sa kasong violation of Section 5 (Sale of Dangerous Drugs), at Section 11 (Possession of Dangerous Drugs), Article II of Republic Act 9165, o ang Comprehensive Dangerous Drugs Act of 2002. PAULA ANTOLIN