BATANGAS – NASAKOTE ng mga pulis ang dalawang notorious na magnanakaw ng kawad ng PLDT ng matiyempuhan sa Tagaytay-Nasugbu Road, Barangay Niogan kahapon ng umaga.
Nakilala ang mga suspek na sina Christian Malinao, 26-anyos, binata at Richard Cortez, 26-anyos, may-asawa , kapwa residente ng Upland Nasugbu.
Ayon sa pulisya, sina Malinao at Cortez ang responsable sa pagkawala ng linya ng cable sa mga naturang lugar maging sa mga kalapit na bayan ng Tagaytay.
Nabawi sa mga suspek ang may 49 na metro ng FSF aerial wire na nagkakahalaga ng P114, 654 at 30 metro ng FSF wire na nasa P37,860 .
Hindi na rin nakatanggi ang dalawa nang mahulihan pa ang mga ito ng 2 sachets ng ilegal na droga. ARMAN CAMBE