2 KELOT NA NAGPRISINTA NG PEKENG TEXT VAX SCHED KAKASUHAN

BUTUAN CITY – KASO ang kahaharapin ng dalawang lalaki na nameke ng vaccinaton schedule sa lungsod na ito.

Inihahanda na ng Butuan City Police Station 1 ang kaso laban sa dalawa na inireklamo ng Department of Health-Caraga at ng Butuan City Health Office makaraang magpakita ng pekeng text message sa kanilang schedule para sa bakuna.

Ayon nurse ng DOH-Caraga na si Janx Avergonzado ang nakapansin na peke ang mensahe matapos niyang makita na may cellphone number sa ilalim ng pangalang “ButuanON” na hindi makikita kung iukumpara sa orihinal na text message nang direkta mula sa ButuanON System.

Nakita rin na magkaibang mga cellphone numbers ang ginamit sa text.

Nabatid na ang natanggap na text message ang dahilan sa pagdagsa ng mga tao sa FSUU Gym vaccination site kaya hindi nasusunod ang physical distancing.

Kaya naman pinayuhan ng pamahalaang lokal ang lahat na mahigpit na sundin ang proseso at hintayin ang ite-text sa kanila na syang magkumpirma sa kanyang vaccination schedule.