PAMPANGA- NASILO ng mga tauhan ng Philippine National Police (PNP) Anti-Kidnapping Group ang dalawang banyaga na sangkot sa pagdukot sa isang Malaysian.
Ayon kay AKG Spokesperson Police Major Rannie Lumactod, nadakip ang mga suspek dakong alas -3:00 ng hapon kahapon sa parking area ng isang mall sa Clark, Malabanias, Angeles City.
Kinilala ang mga supek na sina Rano Herman, Indonesian at Ong Wag Plak, Malaysian.
Una rito ay nakatanggap sila ng ulat mula sa Embassy of Malaysia na nanghihingi ang mga suspek ng 12,000 RMB (Renminbi) na ransom money kapalit ng kalayaan ng hawak nilang biktima na noong May 16 pa dinukot.
Kaya naman ikinasa ang entrapment operation kung saan may nagpanggap na ransom courier at matapos ang transaksyon ay hinuli na ang dalawa.
Nakatakas naman ang driver ng mga suspek na isang Filipino habang natunton na rin ang lugar kung saan nila tinago ang kanilang biktima.
Nahaharap na ang mga suspek na banyaga sa paglabag sa Kasong kidnap for ransom. REA SARMIENTO
Related posts:
MURDER SUSPECT LAGLAG SA PNP-AKG
PNP-AKG PERSONNEL ISINAILALIM SA DRUG TEST
P1.7-M POLICE AND OFFICE EQUIPMENT NATANGGAP NG PNP
130 PATROL VEHICLES DONASYON NG KOREA SA PNP
NATIONWIDE RESHUFFLE SA PNP; PIO CHIEF PINALITAN
PNP TINIYAK NA PATAS SA PAGPAPATUPAD NG BATAS VS NARCOLIST NG PDEA
2 OPISYAL NG TAGUIG-PNP SIBAK
POLICE COLONEL AT 3 PA SIBAK SA KOTONG
Comments are closed.