BULACAN-NATAGPUAN ang bangkay ng dalawang lalaki na pawang tadtad ng bala na nakasubsob sa gilid ng kalsada sa bayan ng Doña Remedios Trinidad (DRT).
Batay sa report ng pulisya ang mga biktima ay nakilalang sina Jayson Flores, 34-anyos, driver at Robert Sabado, 29-anyos, binata, driver kapwa residente ng Sitio Proper, Brgy. Camachin.
Base sa report na nakarating kay Bulacan Police director Col. Relly Arnedo ng DRT police, isang caretaker sa lugar ang nagreport sa kanila na may nakitang dalawang patay bandang alas-7 ng kamakalawa ng umaga.
Dahil dito, agad na pinuntahan ng mga pulis ang nasabing lugar hanggang sa tumambad sa kanila ang dalawang biktima na tadtad ng bala sa ibat-ibang parte ng katawan.
Nakita rin ng mga pulis ang mga nagkalat na basyo mula sa hindi pa matukoy na baril at isang nakatumbang motorsiklo malapit sa mga biktima.
Hanggang sa kasalukuyan ay patuloy ang isinasagawang pagsisiyasat ng pulis upang matukoy ang motibo at sino ang mgasalarin sa naturang pamamaslang. EVELYN GARCIA/ THONY ARCENAL
