ARESTADO ang dalawang lalaki sa isang buy bust operation na isinagawa ng Quezon City Police District (QCPD) sa Barangay West Kamias, Quezon City na nitong Linggo matapos mahulihan ng shabu.
Kinilala ang mga suspek na sina Misraim Mamauag y Panoringan, 26-anyos, taga-Laguna, at Richard Martinez y Estardo, 30-anyos, residente ng Quezon City.
Sa operasyon ng QCPD na pinangunahan ni Lt. Elmerson Maceda sa ilalim ng superbisyon ni Maj.Wennie Ann A. Cale, nakumpiska ng awtoridad sa mga suspek ng 32 gramo ng shabu na tinatayang nagkakahalaga ng P217,600, siyam na piraso ng heat sealed transparent plastic sachet na naglalaman ng droga, isang libong piso, 16 piraso ng pekeng isang libo, isang coin purse at isang cellphone na magsisilbing ebidensya laban sa kanila.
Ang dalawa ay nakatakdang kasuhan ng paglabag na may kinalaman sa iligal na droga.