NAVOTAS CITY – ANIM na sangkot umano sa ilegal na droga kabilang ang dalawang mangingisda ang nalambat ng mga pulis sa buy bust at surveillance operation kung saan narekober ang P27,200 halaga ng shabu sa lungsod na ito.
Ayon kay Navotas Police Chief P/Col. Rolando Balasabas, alas-10:20 ng gabi nang magsagawa ng operasyon ang mga operatiba ng Station Drug Enforcement Unit sa pangunguna ni PLT Eric Roxas sa Danny Bangus St., Brgy. Tangos North.
Natimbog sa operasyon si Joselito Robles alyas “Itok”, 38, pusher ng Roldan St., at Abelardo Inocencio alyas “Abel”, 45, user ng A Cruz St., kung narekober sa mga suspek ang apat na gramo ng hinihinalang shabu na nasa P27,200 ang halaga at P300 buy bust money.
Alas-12:30 naman kahapon ng madaling araw nang masakote rin ng mga operatiba na nagsasagawa ng surveillance sa Market 3 Fishport, Brgy. NBBN si Anthony Cortez, 42, Roberto Eco, 40, Ruel La Torre, 35, at Perdi Ariba, 34.
Ayon kay SDEU investigator PCpl Jaycito Ferrer, nakumpiska sa mga suspek ang apat na plastic sachet na naglalaman ng hinihinalang shabu. EVELYN GARCIA
Comments are closed.