NEGROS ORIENTAL- PATAY ang isang 50 anyos na mamamalakaya nang humagupit ang matalim na kidlat at tumama sa mangingisda habang nasa gitna ng laot sa Dauin, Biyernes ng gabi.
Ayon sa Negros-PNP, nangingisda si Rolando Dungog sakay ng kaniyang fishing boat nang biglang kumidlat at mahagip ito.
Nagawa naman siyang masaklolohan agad ng kaniyang kasamahan para madala sa tabi ng dagat.
Subalit, ayon sa pulisya, wala na itong buhay pagsapit sa pampang.
Samanatala, inaalam naman ng awtoridad ang tunay na dahilan ng pagkasawi ng isang mangingisda matapos matagpuang wala nang buhay sa karagatang sakop ng Prieto Diaz, Sorsogon.
Kinilala itong si Jamil Domiquel, 24-anyos na residente ng Brgy. Diamante na hinihinalang nalunod.
Ayon kay PLt. Julius Averilla, hepe ng Prieto Diaz-PNP, natagpuang patay si Domiquel na may nakataling plastic na lubig sa tuhod.
Sinasabing dumaranas ang biktima ng matinding migraine bago pumalaot hanggang sa matagpuan na wala nang buhay. VERLIN RUIZ
Comments are closed.